As pezas dos gaiteiros da Fonsagrada, así como os pasos de baile, son moi recoñecibles para algunha xente. Quizais non ocorre tanto coa música cantada ou tocada con outros instrumentos, pero o que está claro é que a música e o baile tiveron desde sempre un gran protagonismo na vida da poboación. Dende aquí, iremos indagando sobre esa singularidade coa axuda de persoas que xentilmente nos ofrecen as súas colaboracións.
Por Daniel Carballo Penelas
É ben coñecida a gran cantidade e calidade dos históricos gaiteiros solistas da Fonsagrada. Pero pouco sabemos doutros tipos de música.
Na primeira metade do século XX algúns músicos populares, aínda con grandes dificultades, foron capaces de crear orquestras ou orquestriñas á moda da época, grazas a historias persoais cheas de vocación musical, esforzo e perseveranza.
Le o artigo completo premendo no botón máis abaixo
Por Pablo Ferreiro Viadé. Presidente da Asociación «Antaruxas e Sorteiros»
O baile tradicional na Fonsagrada representa moito máis ca unha manifestación artística. É a expresión viva dun pobo, dun modo de entender a convivencia e a identidade colectiva. A súa continuidade, garantida grazas ao labor das asociacións culturais locais e á implicación da veciñanza, converte este patrimonio inmaterial nun elo esencial entre pasado e presente. A través da danza, a comunidade fonsagradina conserva a súa memoria, reforza os seus vínculos e proxéctase cara o futuro cun profundo respecto pola tradición.
Le o artigo completo premendo no botón máis abaixo.
Por Adrián Méndez Fernández. Presidente da Asociación «Petapouco e a destempo»
A música non tiña un patrón exacto A, B, C…xa que improvisaban para o baile. Xerábase unha sinerxia, unha comunicación, entre os gaiteiros e os bailadores e bailadoras no momento de comezar a danza que impresionaba. Como impresionante era tamén a capacidade de improvisación dalgúns instrumentistas.
Le o artigo completo premendo no botón máis abaixo
Introdución e extractos dos artigos anexos feitos polas responsables da páxina.
Das fotos: Arquivo do Museo, Arquivo de Antaruxas e sorteiros, Manuel Fernández, Arquivo de Daniel Carballo.